Xızı rayonunun Şorabad qəsəbəsində yerləşir və özünün ayrıca çimərliyi var. Burada dənizin dumduru suyundan, sakitlikdən və şəhərin səs-küyündən uzaq olmaqdan zövq alacaqsınız. 500 kvm sahəyə malik lüks villada 10 nəfər və ya 5 ailə qala bilər. Bu ikimərtəbəli villa 300 kvm-lik terrası, Xəzər dənizinə və laquna açılan möhtəşəm mənzərəsinə görə ailə və dostlar ilə birlikdə tətil üçün ideal məkan hesab olunur. 5 yataq otağının hər birinin ayrıca hamam otağı var və villa bütün lazımi avadanlıqlarla – kondisioner, isitmə sistemi, soba, soyuducu, TV, WiFi, taxta döşəmə, bağlı qaraj, içki barı ilə təchiz edilib. Bundan başqa, qonaqlar ölkənin yeganə kaytsörfinq mərkəzinin (mayın sonundan sentyabrın əvvəlinə, ortasına qədər fəaliyyət göstərir) xidmətlərindən də istifadə edə bilərlər. Gündəlik qayğılardan uzaqlaşmaq, təbiətlə baş-başa qalmaq, eləcə də unikal, mənzərəli bir məkanda yay tətilini keçirmək istəyən ailələr üçün bu villa əla seçimdir.